أهم الوظائف في عالم الأزياء

قررتي تتعلمي التفصيل و تنضمي لعالم الفاشون و الأزياء !!
طيب عارفة إيه المجالات اللي ممكن تشتغلي فيها غير إنك تصممي هدوم لنفسك أو تبقي Fashion Designer؟ دول أهم 6 وظائف في عالم الفاشون و الموضة

1- إنك تشتغلي stylist
تقدري من خلال الشغلانة دي إنك تنسقي الملابس وتختاري البس اللي يليق مع بعضه وتحسين المظهر العام وإزاي تنسقي الجيبة مع البلوزة والجاكيت مع البنطلون وتنسقي بين اللبس والشنطة و الحذاء والإكسسورات المكملة زي الحلق والخاتم والإسورة وهكذا ....

2- صحفي الموضة
لو بتحبي الكتابة وعندك خلفية كويس عن التصميم والفاشون تقدري تبقي صحافية اموضة وتتكلمي عن أحدث الصيحات واللوك الخاص بكل فصل و موسم وستايل الموضة لكلكل سنة وتكتبي لقاءات عن أشهر المصممين وأزياءهم كمان

3-لو بتحبي الكتابة والتصوير فالشغلانة دي ليكي"Blogger في مجال الأزياء"

بتغطي جميع أنواع الموضة وأشكالها وجميع أزياء المصممين من أكبرهم لأصغرهم, ومعظم البلوجر بيشتغلوا في المجال ده كنوع من التسويق لبراندات ملابس او غيرها في عالم الازياء و الموضه .

4- مستشارة موضة
في الشغلانة دي كل مهمتك إنك تقدمي خدمات إستشارية في مجال الموضة للمصانع والشركات والمصممين أو بمعنى أبسط بتقدمي تقرير عن اتجاهات الموضة ليهم تساعدهم و تطور مجال عملهم .

5- امتلاك إتيليه
ممكن تبيعي فيه هدوم جاهزة أو تصممي الهدوم حسب الطلب ومقاسات العملاء شغلانة زي دي محتاجة حد عنده المعلومات الكافية بمجال التفصيل والفاشون من باترون وقص وتصميم كمان محتاجة مهارة مهمة جدا وهي مهارة الإدارة .


6-مسئولة ملابس المشاهير
الشغلانه دي كتير من البنات هتحبها جدا بحيث هتنسقي للمشاهير الأماكن اللي بتبيع لبس يتماشى مع ذوقهم ومصممين الأزياء المشهورين وتنسقي بين اختيار لبسهم ومظهرهم حسب الموضة وحسب ميولهم للألوان و كمان هتكوني صديقة المشاهير