تأثير البنفسجي على النفسية

- اللون البنفسجي هو لون معقد، وعادة بيعتبرها الشخص العادي من الألوان اللي بتدل على الفخامة، دا غير إنه لون بيوحي بالغموض،  والتردد في اتخاذ القرارات، كمان هو رمز للعشاق، لأنه بيساعد على تنشيط التفكير الخيالي وبيشجع على وجود العاطفة الرقيقة والهادية، ومن الناحية الإيجابية فالناس اللي بتختار اللون دا بيبقوا ناس حساسين وأصحاب ذوق فوق المتوسط.

وعلى الرغم من إمكانية شعورهم بالغرور، إلا إن الناس اللي بتحب اللون البنفسجي بتتمتع بمواهب استثنائية، وبيحبوا جميع أنواع الفنون، وممكن تلاقيهم أشخاص مزاجيين، لكن تقدر تعيش معاهم لو قبلوا الشخص دا.

اللون البنفسجي من الألوان المريحة للنفس وتأثيره كبير في الديكور، لأنه بيسيب لمسة من الإبداع في الديكور بدرجاته المختلفة، ويعتبر لون الأغنياء لأنه كان على مر العصور لون القصور والبيوت الواسعة الفخمة، لأنه بيدل على الفخامة.

و تأثير إيجابي لأنه بيدي شعور بالهدوء والإسترخاء داخل المكان، فهو من الألوان المحببة للنفس لأنه لون ساحر في الديكور بدرجاته المختلفة، ويُفضل استخدامه في أوض الصالون، لأنها من أهم أساسيات البيت وأكتر مكان بيتقعد فيه فلازم يكون ديكورها شكله مميز وجميل وأفضل لون يعمل كدا هو اللون البنفسجي لأنه لون السحر والجمال، كمان بيستخدم في دهانات الحيطة لأنه بيلفت الإنتباه وبيكون شكله حلو وبيتناسق مع اللون الأبيض بحيث فيخلي المكان قمة في الإبداع، ينفع تستخدمه في أوض النوم لأنه لون هادي وبييساعد على الإسترخاء وتقليل التوتر

في مجال الدعاية والإعلان كان اللون البنفسجي مميز جداً لأنه بيدل على الإحترام والحكمة وعلو الشأن وكمان الإبداع، فلو أنت بتقدم خدمة إبداعية أو منتج إبداعي فأفضل لون ممكن تستخدمه هو اللون البنفسجي، ولو أنت بتحاول تربط منتجك بالرقي وبشريحة المستخدمين من الناس الأغنياء فالبنفسجي هيوصل الرسالة دي كويس، ومن أشهر البرندات اللي استخدمت اللون البنفسجي في اللوجو بتاعها شركة We وكادبوري وهالمارك و Adobe indesign