تأثير الأزرق على النفسية

الأزرق

بمجرد ما تسمع اسم اللون دا فأول حاجة هتيجي في بالك البحر والسماء الصافية والماية والحاجات اللي بتعمل حالة إنعاش للنفسية وتجددها دي كمان اللون الأزرق الغامق بيدي إحساس بالقوة والإستقرار النفسي والمعنوي، لأنه من الألوان الباردة واللي بتدي شعور بالراحة والإسترخاء والهدوء وبيساعد على يوطي ضغط الدم ويقلل ضربات القلب، وبيدل على الأناقة لأنه من الألوان الأساسية، ويعتبر من الألوان القوية والجريئة لأنه مش من الألوان الحيادية أو الكلاسيكية على الرغم من إنه بيدخل في الديكورات الكلاسيكية ودا بيضيف ليه لمسة جريئة.

فمثلاً لو كنت في إجتماع عمل وركزت شوية في اللون النيلي(درجة من درجات الأزرق الفاتح) هتلاقيه عمل إنعاش تركيزك، فمثلاً لو أنت قاعد في إجتماع أو بتذاكر وركزت شوية على اللون النيلي فدا هيساعدك على التفكير والتأمل والإبداع، لأنه بيساعد على التواصل الداخلي مع نفسك ويحفزك إنك تفكر بإبداع، وعلشان كدا دايماً مصممين الديكور بينصحوا إن اللون دا يُستخدم في دهان غرف الدراسة في المدارس.

اللون الأزرق من الألوان اللي بتنفع في أي وقت وأي مكان عادي فهتلاقيه في الديكورات العصرية والمودرن وكمان الديكورات الكلاسيك عادي لأنه يعتبر من الألوان المرنة فبينفع في أي استايل من استايلات الديكور، ولمرونته فنقدر نقول إن اللون دا بيتشكل مع كل كل موضة جديدة تنزل في الديكور.

بيستخدموه في الإعلانات والشركات المشهورة لو عايزين يعبروا عن إن المنتج دا ليها علاقة بالأمان والسلام أو يزيد من ثقة المنتج زي الفيسبوك وتويتر وفورد و Dell كل دول اللوجو بتاعهم لونهم أزرق.