أنواع غرز الخياطة

النهاردة هنتعلم مع بعض أنواع غُرزْ الخياطة:-

فيه أنواع كتير من الغُرَزْ التي ممكن نستخدمها في الخياطة، ونوع الغرزة المستخدمة كثيرًا بيتوقف على لو كانت عملية الخياطة دي يدوية ولا آلية.

1- الغُرَز اليدوية :-

فيه 6 غُرَز يدوية رئيسية وهي:

الغرزة المتصلة: وتعتبر دي أبسط الغُرَز اليدوية، وبتُستخدم للتجميع، وهي عملية جمع قطعة من قماش حوالين بعضها في شكل تجميعات صغيرة. والتجميعات دي بتضيف المتانة على خطوط العنق والأكمام وخطوط الوسط للكساء.

الغرزة التشريحية: غُرزَة مؤقتة بينْصبُّ عملها على شد قطعتين من القماش أو أكتر بعضها على بعض وهي مَعْلَم يُهتدى به عند الغُرز النهائية آليًا.

الغرزة المُنْسَلّة: ودي بقى بتضفي لمسة أخيرة غير مرئية عند تثبيت الحواشي والبطائن والجيوب بعد ما تخلص الهدوم، وهي بتُستخدم على حواف مطوية ودا لأنها بالإمكان إخفاء طول الخيط بين الطيَّات دي.

الغرزة العمياء: بتُستخدم لتثبيت الحواشي والتخريجات في الأماكن المحددة لها (والتخريجات هي قطع القماش اللي بتغطي حواف الهدوم) وبتُستخدم الغرزة دي في حالة رغبة الخياط في إخفاء الغُرز.

الغرزة الملَفَّقة: دي غرزة مائلة متساوية المساحات تُستخدم فوق حواف الدَّرزة غير المخيطة (القَصَّة). وتمنع الغرزة المُلَفّقَة الحواف من التنسُّل.

الغرزة المُثَبِّتة: غرزة مطواعة، بتُستخدم لتثبيت طبقتين من القُماش مع بعض وهي كمان بتُستخدم كتير لتأمين الحواشي للأقمشة المطاطية المشغولة بالصنارة أو الإبرة.

خلينا نتكلم بقى عن الغرز الآلية وهي بتشتمل على الغُرَز المستقيمة والغرز المتعرِّجة والغرز العملية (المنفعية) والغُرَز الزخرفية.

وبتستخدم الغُرَز المستقيمة لتشريج الدَُروز وجمعها وخياطتها. وكمان تقدر تستخدم الغُرَز المتعرجة علشان تحط اللمسات الأخيرة على الحواف غير المخيطة، وكمان علشان تعمل الخرم للأزرار أو لتثبيت المطاط على الهدوم.

 أما الغُرَز العملية (المنفعية) فهي بتُستخدم علشان نشد بعض الأقمشة زي الليكرا. وكمان بتُستخدم في لَفْق خرم الأزرار وعملها. 

وآلات الخياطة اللي بتعمل غرز زخرفية فيها أدوات ملحقة، أو أقراص مدرجة أو على رافعات تُعدُّ الآلة علشان تقدر تعمل الغرز دي. 

ولكن معظم آلات الخياطة العصرية بتحتوي على مُنظِّمات سهلة الاستخدام، ودا لتغيِّير من عرض الغرزة وطولها ونمطها.