إعلان محمد صلاح لشركة الشحن DHL

من كام يوم إعلان اللاعب الشهير محمد صلاح لشركة DHL أكتسح السوشيال ميديا لدرجة إن بعض الناس صنفته على إنه أفضل إعلان حصل وهيحصل السنة دي,من وجهة نظر الناس إن الإعلان بين فيه محمد صلاح أثر التواصل الحقيقي على الناس, بس وجهة نظر الناس بتاعت الماركتينيج كانت تحليلهم للموقف بيقول إن فيه رسايل خفية كانت ظاهرة من ورا الإعلان دا

السوشيال ميديا : على الرغم من إن الإعلان بيتكلم عن التواصل الحقيقي إلا إنه نزل على مواقع السوشيال ميديا و أكتسح الشاشة بجدارة,ودا معناه إن احنا مينفعش ننكر دور السوشيال ميديا في حياتنا ولكن في نفس الوقت لازم نوازن بين الواقع والميديا

العاطفة: من ضمن النقط اللي بتركز عليها الإعلانات هي العاطفة سواء إيجاباً, زي إعلان محمد صلاح وإنه أختفى فجأة وناس كتير اتأثرت بإختفائه وإنهم كانوا عايزين يوصلوا ليه بأي شكل لدرجة إن فيه ناس فعلاً قدرت توصله وبعتتله هدايا واتطمنت عليه,وبعد الإعلان دا شركة DHL فتحت المجال لكل الناس إن هي تتواصل مع محمد صلاح وتبعتله هدايا ويساهموا في التواصل الحقيقي

التواضع: ودا ظهر في حتة إنه مكتفاش بإنه أخد الهدايا لأ كمان رد بهدية موقعة منه لكل الناس اللي بعتتله هدايا, ودي نقطة تُحسب لمحمد صلاح بإنه شخص متواضع

العنصرية: في الإعلان دا ظهر ناس كتير من فئات وأشكال مختلفة, وكانت الفكرة دي مقصودة علشان توضح للناس إن مهما اختلفنا في اللون والشكل ف دا شئ بيميزنا وبيخلينا نكمل بعض

بما إن اللاعب اتعاقد مع شركة DHL فالموضوع لسه منتهاش لحد كدا