7 شخصيات تسمم حياتك

فيه 7 شخصيات في حياتك بتسممها وتاكل فيها، مش بس كدا فيهم ناس للأسف أنت مُجبر تتعامل معاهم لأنك بتشوفهم يومياً أو حتى متقدرش تقطع عاقتك بيهم ومجبر تتعامل معاهم زي أهلك، ومتقدرش تغير في حقيقة كونهم موجودين في حياتك زي عيلتك أو جيرانك وفيه أسباب مادية زي مديرك في الشغل أو حتى أسباب معنوية زي صاحب عمرك اللي على الرغم من إنه فيه إيجابيات كتير إلا إنه بيسمم لك حياتك ومش عارف تتخلص منه، هنقولك على السبع شخصيات دول وإزاي تتعامل معاهم من غير ما تتأثر بيهم

الغدارين :

 

الشخصية دي أصعب شخصية في ال 7 شخصيات تأثيراً عليك وبتسنزف كتير من عمرك ووقتك، وأسلوبها في التعامل إنهم يرحبوا بيك في وشك ومن وراك يقولوا عليك كلام تاني، بوشين يعني، مثلاً سباق الجري الكل فيه بيحاول يجري أسرع علشان يوصل ويبقى الأول  لكن الشخص الغدار بيبقى شايف إنه مهما عمل مش هيوصل للمركز الأول، لأن هو شايف إن إمكانياته لا تصلح لأنه يكسب أو يبقى الأول فيبدأ يشد الناس في السباق ويوقعها علشان يوصل ويبقى الأول، حتى لو بطريقة غير شرعية، أهم حاجة محدش يبقى أفضل،خلينا نقول  إن الشخص دا ثقته في نفسه بتبقى مهزوزة وبيحاول يعوض النقص دا في أي شخص يشوفه أفضل منه بطرق مختلفة، زي إنه"يطلع عليه إشاعة "أو "أو يتكلم في عيوب الناس" أو"يسوء سمعت الشخص دا" أو "يخلي أصحابه يتجنبوه" أو "أهله ياخدوا منه موقف"، الأساليب كتيرة ولكن في النهاية الهدف واحد وهو إنه يسمم حياة الشخص الناجح دا علشان ياخد مكانه لأنه ببساطة عارف إنه ضعيف

 طب الحل إيه ؟

 

الحل بسيط خالص وبيتلخص في المواجهه، لأن أغلبنا بيكتفي بإنه يقطع التعامل خالص مع الشخص أو ياخد موقف عدائي منه بدون أي مواجهه ولكن الحل بيكون دايماً مع الشخصية دي بالإشتباك والمواجهة، حتى لو أنكر قوله "أنا مبسوط إن الكلام اللي سمعته دا كان غلط"، بالأسلوب دا حتى لو هو محسش بالذنب فدا هيخليه يبعد عنك ويتعامل معاك بحذر علشان عرف إنك فاهمه وفاقس حركاته كويس، والموضوع مش هيطول أكتر من كدا لأن الشخصية دي جبانة بطبعها وآخرها تضرب من الضهر ويطلع يهرب، لكن أول ما تحسسه إنك فاهمه بيبدأ يرجع لورا تاني

 

تابعونا علشان تشوفوا بقيت الشخصيات الباقية